الخميس، 15 سبتمبر 2011

مهرجان الفنون

  
مهرجان الفنون

.. لكل حد عايز يعمل حاجة جديدة... عايز يوم مختلف ... يقابل ناس جديدة... و بيحب يسمع مزيكا و يلون و يرسم و كمان يحضر ورش متنوعة.. و لكل حد بيحب المفاجات .... يوم كامل عام و مجاني .... قبل ما الاجازة تخلص و نرجع للجد...

هو مهرجان الفنون عبارة عن كرنفال كبير يجمع كل المواهب والمحترفين فى كل المجالات الترفيهية ...lممكن تقول كده يعتبر مزيج من مهرجان لرسم الجرافيتي على الكوربة فيستيفال على مهرجان الالوان ... مش بس كده..... بالاضافة لانشطة تانية كتير ...

ممكن تيجي في أي وقت طول اليوم و تجيب معاك اي حد.. هو مناسب للكبار و الصغيريين... للشباب و البنات و العائلات.... و ده علشان نحط قاهرة المعز على خريطة مدن العالم اللي بتحتفل بالسلام ... يعني اليوم ده مش بس هنتبسط و نقضي يوم جميل فيه... لأ ده عشان نثبت للعالم ان سلمية سلمية ايام الثورة... دي من أصل ثقافتنا... احنا كده.... عاصمتنا, عاصمة السلام في الدنيا...

هنعمل اليوم ده

•60 متر مربع من الرسوم على الجدار "جرافيتي)
• 6 ورش عمل
•6 من موسيقيي الشارع


Bands- الفرق

• Blue notes
• Alama band
•Asfalt
• Dro and the band
• F.B.I & Egy beatbox
• Camera band
• 3adam el en7yaz
• Game over
• street tempo


أنشطة متنوعة:

• متاهة السلام
• لغز السلام
• الحلقات التعلميمية
• رسائل الحائط
• فن البانتومايم
• التصوير الفوتوغرافي



اللي هيساعدنا اليوم ده:
• إئتلاف الفنانين التشكيلين
• مؤسسة اليابان للتنمية
• فريق أنا مصري

عايز تساعدنا... تشاركنا... تنضم لينا.. تعرض حاجة اليوم ده... عندك موهبة... بتعزف.. تلون.. ترسم.. ترقص

اعمل attend.. و invite صحابك.. و ارسلنا على raghda@masterpeace.org

او كلمنا 0111866611




من أنتم...
احنا في ماسترببس و هي مبادرة أهلية للسلام بمشاركة عشرات المنظمات الغير حكومية، الفرق الموسيقية، والفنانين والمحاضرين هنظم في اكتر من مكان في القاهرة انشطة هتدي المشاركين فرصة في تجربة الجوانب الكتيرة و المعاني المختلفة للسلام ...


شاركنا حلمنا اننا نحول قاهرة المعز لأكبر قرية سلام... مش بس عشان أحنا محتاجين القيمة الجميلة دي في حياتنا خصوصا بعد الثورة .. كمان عشان نرجع قيمة مصر و مكانتها التاريخية كمنارة الحضارة و السلام في الشرق الاوسط و العالم... هتقول ازاي؟.. بسيطة احنا عايزينك معانا في تحقيق الحلم ده... من بعد الثورة أكيد كل شيء ممكن... هتشاركنا في تنظيم و حضور أول أنشطة مخصصة للسلام في مصر... عشان نجرب السلام بنكهة مصرية..


العالم كل سنة بيحتفل باليوم العالمي للسلام في 21 سبتمبر... بس عشان مصر دايما مختلفة احنا هنعمل اسبوع كامل ( من 16-23 سبتمبر 2011) هيبقى كل يوم ليه شعار محدد و نشاط ليه علاقة بالشعار ده ..
يمكنكم زيارة القروب هنا

0 التعليقات: